Greek Reader — The Homeric Odyssey (9.478

9.478 ξείνους οὐχ ἅζεο σῷ ἐνὶ οἴκῳ

9.479 ἐσθέμεναι · τῷ σε Ζεὺς τίσατο καὶ θεοὶ ἄλλοι .

9.480 ὣς ἐφάμην , ὁ δʹ ἔπειτα χολώσατο κηρόθι μᾶλλον ,

9.481 ἧκε δʹ ἀπορρήξας κορυφὴν ὄρεος μεγάλοιο ,

9.482 κὰδ δʹ ἔβαλε προπάροιθε νεὸς κυανοπρῴροιο

9.483 τυτθόν , ἐδεύησεν δʹ οἰήιον ἄκρον ἱκέσθαι ,

9.484 ἐκλύσθη δὲ θάλασσα κατερχομένης ὑπὸ πέτρης ·

9.485 τὴν δʹ αἶψʹ ἤπειρόνδε παλιρρόθιον φέρε κῦμα ,

9.486 πλημυρὶς ἐκ πόντοιο , θέμωσε δὲ χέρσον ἱκέσθαι .

9.487 αὐτὰρ ἐγὼ χείρεσσι λαβὼν περιμήκεα κοντὸν

9.488 ὦσα παρέξ , ἑτάροισι δʹ ἐποτρύνας ἐκέλευσα

9.489 ἐμβαλέειν κώπῃς , ἵνʹ ὑπὲκ κακότητα φύγοιμεν ,

9.490 κρατὶ κατανεύων · οἱ δὲ προπεσόντες ἔρεσσον .

9.491 ἀλλʹ ὅτε δὴ δὶς τόσσον ἅλα πρήσσοντες ἀπῆμεν ,

9.492 καὶ τότε δὴ Κύκλωπα προσηύδων · ἀμφὶ δʹ ἑταῖροι

9.493 μειλιχίοις ἐπέεσσιν ἐρήτυον ἄλλοθεν ἄλλος ·

9.494 σχέτλιε , τίπτʹ ἐθέλεις ἐρεθιζέμεν ἄγριον ἄνδρα ;

9.495 ὃς καὶ νῦν πόντονδε βαλὼν βέλος ἤγαγε νῆα

9.496 αὖτις ἐς ἤπειρον , καὶ δὴ φάμεν αὐτόθʹ ὀλέσθαι .

9.497 εἰ δὲ φθεγξαμένου τευ ἢ αὐδήσαντος ἄκουσε ,

9.498 σύν κεν ἄραξʹ ἡμέων κεφαλὰς καὶ νήια δοῦρα

9.499 μαρμάρῳ ὀκριόεντι βαλών · τόσσον γὰρ ἵησιν .

9.500 ὣς φάσαν , ἀλλʹ οὐ πεῖθον ἐμὸν μεγαλήτορα θυμόν ,

9.501 ἀλλά μιν ἄψορρον προσέφην κεκοτηότι θυμῷ ·

9.502 Κύκλωψ , αἴ κέν τίς σε καταθνητῶν ἀνθρώπων

9.503 ὀφθαλμοῦ εἴρηται ἀεικελίην ἀλαωτύν ,

9.504 φάσθαι Ὀδυσσῆα πτολιπόρθιον ἐξαλαῶσαι ,

9.505 υἱὸν Λαέρτεω , Ἰθάκῃ ἔνι οἰκίʹ ἔχοντα .

9.506 ὣς ἐφάμην , ὁ δέ μʹ οἰμώξας ἠμείβετο μύθῳ ·

9.507 ὢ πόποι , ἦ μάλα δή με παλαίφατα θέσφαθʹ ἱκάνει .

9.508 ἔσκε τις ἐνθάδε μάντις ἀνὴρ ἠύς τε μέγας τε ,

9.509 Τήλεμος Εὐρυμίδης