Greek Reader — The Homeric Odyssey (9.448

9.448 οὔ τι πάρος γε λελειμμένος ἔρχεαι οἰῶν ,

9.449 ἀλλὰ πολὺ πρῶτος νέμεαι τέρενʹ ἄνθεα ποίης

9.450 μακρὰ βιβάς , πρῶτος δὲ ῥοὰς ποταμῶν ἀφικάνεις ,

9.451 πρῶτος δὲ σταθμόνδε λιλαίεαι ἀπονέεσθαι

9.452 ἑσπέριος · νῦν αὖτε πανύστατος . ἦ σύ γʹ ἄνακτος

9.453 ὀφθαλμὸν ποθέεις , τὸν ἀνὴρ κακὸς ἐξαλάωσε

9.454 σὺν λυγροῖς ἑτάροισι δαμασσάμενος φρένας οἴνῳ ,

9.455 Οὖτις , ὃν οὔ πώ φημι πεφυγμένον εἶναι ὄλεθρον .

9.456 εἰ δὴ ὁμοφρονέοις ποτιφωνήεις τε γένοιο

9.457 εἰπεῖν ὅππῃ κεῖνος ἐμὸν μένος ἠλασκάζει ·

9.458 τῷ κέ οἱ ἐγκέφαλός γε διὰ σπέος ἄλλυδις ἄλλῃ

9.459 θεινομένου ῥαίοιτο πρὸς οὔδεϊ , κὰδ δέ κʹ ἐμὸν κῆρ

9.460 λωφήσειε κακῶν , τά μοι οὐτιδανὸς πόρεν Οὖτις .

9.461 ὣς εἰπὼν τὸν κριὸν ἀπὸ ἕο πέμπε θύραζε .

9.462 ἐλθόντες δʹ ἠβαιὸν ἀπὸ σπείους τε καὶ αὐλῆς

9.463 πρῶτος ὑπʹ ἀρνειοῦ λυόμην , ὑπέλυσα δʹ ἑταίρους .

9.464 καρπαλίμως δὲ τὰ μῆλα ταναύποδα , πίονα δημῷ ,

9.465 πολλὰ περιτροπέοντες ἐλαύνομεν , ὄφρʹ ἐπὶ νῆα

9.466 ἱκόμεθʹ . ἀσπάσιοι δὲ φίλοις ἑτάροισι φάνημεν ,

9.467 οἳ φύγομεν θάνατον , τοὺς δὲ στενάχοντο γοῶντες .

9.468 ἀλλʹ ἐγὼ οὐκ εἴων , ἀνὰ δʹ ὀφρύσι νεῦον ἑκάστῳ ,

9.469 κλαίειν , ἀλλʹ ἐκέλευσα θοῶς καλλίτριχα μῆλα

9.470 πόλλʹ ἐν νηὶ βαλόντας ἐπιπλεῖν ἁλμυρὸν ὕδωρ .

9.471 οἱ δʹ αἶψʹ εἴσβαινον καὶ ἐπὶ κληῖσι καθῖζον ,

9.472 ἑξῆς δʹ ἑζόμενοι πολιὴν ἅλα τύπτον ἐρετμοῖς .

9.473 ἀλλʹ ὅτε τόσσον ἀπῆν , ὅσσον τε γέγωνε βοήσας ,

9.474 καὶ τότʹ ἐγὼ Κύκλωπα προσηύδων κερτομίοισι ·

9.475 Κύκλωψ , οὐκ ἄρʹ ἔμελλες ἀνάλκιδος ἀνδρὸς ἑταίρους

9.476 ἔδμεναι ἐν σπῆι γλαφυρῷ κρατερῆφι βίηφι .

9.477 καὶ λίην σέ γʹ ἔμελλε κιχήσεσθαι κακὰ ἔργα ,

9.478 σχέτλιʹ , ἐπεὶ