Greek Reader — The Homeric Odyssey (9.509

9.509 , ὃς μαντοσύνῃ ἐκέκαστο

9.510 καὶ μαντευόμενος κατεγήρα Κυκλώπεσσιν ·

9.511 ὅς μοι ἔφη τάδε πάντα τελευτήσεσθαι ὀπίσσω ,

9.512 χειρῶν ἐξ Ὀδυσῆος ἁμαρτήσεσθαι ὀπωπῆς .

9.513 ἀλλʹ αἰεί τινα φῶτα μέγαν καὶ καλὸν ἐδέγμην

9.514 ἐνθάδʹ ἐλεύσεσθαι , μεγάλην ἐπιειμένον ἀλκήν ·

9.515 νῦν δέ μʹ ἐὼν ὀλίγος τε καὶ οὐτιδανὸς καὶ ἄκικυς

9.516 ὀφθαλμοῦ ἀλάωσεν , ἐπεί μʹ ἐδαμάσσατο οἴνῳ .

9.517 ἀλλʹ ἄγε δεῦρʹ , Ὀδυσεῦ , ἵνα τοι πὰρ ξείνια θείω

9.518 πομπήν τʹ ὀτρύνω δόμεναι κλυτὸν ἐννοσίγαιον ·

9.519 τοῦ γὰρ ἐγὼ πάϊς εἰμί , πατὴρ δʹ ἐμὸς εὔχεται εἶναι .

9.520 αὐτὸς δʹ , αἴ κʹ ἐθέλῃσʹ , ἰήσεται , οὐδέ τις ἄλλος

9.521 οὔτε θεῶν μακάρων οὔτε θνητῶν ἀνθρώπων .

9.522 ὣς ἔφατʹ , αὐτὰρ ἐγώ μιν ἀμειβόμενος προσέειπον ·

9.523 αἲ γὰρ δὴ ψυχῆς τε καὶ αἰῶνός σε δυναίμην

9.524 εὖνιν ποιήσας πέμψαι δόμον Ἄϊδος εἴσω ,

9.525 ὡς οὐκ ὀφθαλμόν γʹ ἰήσεται οὐδʹ ἐνοσίχθων .

9.526 ὣς ἐφάμην , ὁ δʹ ἔπειτα Ποσειδάωνι ἄνακτι

9.527 εὔχετο χεῖρʹ ὀρέγων εἰς οὐρανὸν ἀστερόεντα ·

9.528 κλῦθι , Ποσείδαον γαιήοχε κυανοχαῖτα ,

9.529 εἰ ἐτεόν γε σός εἰμι , πατὴρ δʹ ἐμὸς εὔχεαι εἶναι ,

9.530 δὸς μὴ Ὀδυσσῆα πτολιπόρθιον οἴκαδʹ ἱκέσθαι

9.531 υἱὸν Λαέρτεω , Ἰθάκῃ ἔνι οἰκίʹ ἔχοντα .

9.532 ἀλλʹ εἴ οἱ μοῖρʹ ἐστὶ φίλους τʹ ἰδέειν καὶ ἱκέσθαι

9.533 οἶκον ἐυκτίμενον καὶ ἑὴν ἐς πατρίδα γαῖαν ,

9.534 ὀψὲ κακῶς ἔλθοι , ὀλέσας ἄπο πάντας ἑταίρους ,

9.535 νηὸς ἐπʹ ἀλλοτρίης , εὕροι δʹ ἐν πήματα οἴκῳ .

9.536 ὣς ἔφατʹ εὐχόμενος , τοῦ δʹ ἔκλυε κυανοχαίτης .

9.537 αὐτὰρ ὅ γʹ ἐξαῦτις πολὺ μείζονα λᾶαν ἀείρας

9.538 ἧκʹ ἐπιδινήσας , ἐπέρεισε δὲ ἶνʹ ἀπέλεθρον ,

9.539 κὰδʹ δʹ ἔβαλεν