Greek Reader — The Homeric Odyssey (9.333

9.333 τὸν γλυκὺς ὕπνος ἱκάνοι .

9.334 οἱ δʹ ἔλαχον τοὺς ἄν κε καὶ ἤθελον αὐτὸς ἑλέσθαι ,

9.335 τέσσαρες , αὐτὰρ ἐγὼ πέμπτος μετὰ τοῖσιν ἐλέγμην .

9.336 ἑσπέριος δʹ ἦλθεν καλλίτριχα μῆλα νομεύων .

9.337 αὐτίκα δʹ εἰς εὐρὺ σπέος ἤλασε πίονα μῆλα

9.338 πάντα μάλʹ , οὐδέ τι λεῖπε βαθείης ἔκτοθεν αὐλῆς ,

9.339 ἤ τι ὀισάμενος , ἢ καὶ θεὸς ὣς ἐκέλευσεν .

9.340 αὐτὰρ ἔπειτʹ ἐπέθηκε θυρεὸν μέγαν ὑψόσʹ ἀείρας ,

9.341 ἑζόμενος δʹ ἤμελγεν ὄις καὶ μηκάδας αἶγας ,

9.342 πάντα κατὰ μοῖραν , καὶ ὑπʹ ἔμβρυον ἧκεν ἑκάστῃ .

9.343 αὐτὰρ ἐπεὶ δὴ σπεῦσε πονησάμενος τὰ ἃ ἔργα ,

9.344 σὺν δʹ ὅ γε δὴ αὖτε δύω μάρψας ὡπλίσσατο δόρπον .

9.345 καὶ τότʹ ἐγὼ Κύκλωπα προσηύδων ἄγχι παραστάς ,

9.346 κισσύβιον μετὰ χερσὶν ἔχων μέλανος οἴνοιο ·

9.347 Κύκλωψ , τῆ , πίε οἶνον , ἐπεὶ φάγες ἀνδρόμεα κρέα ,

9.348 ὄφρʹ εἰδῇς οἷόν τι ποτὸν τόδε νηῦς ἐκεκεύθει

9.349 ἡμετέρη . σοὶ δʹ αὖ λοιβὴν φέρον , εἴ μʹ ἐλεήσας

9.350 οἴκαδε πέμψειας · σὺ δὲ μαίνεαι οὐκέτʹ ἀνεκτῶς .

9.351 σχέτλιε , πῶς κέν τίς σε καὶ ὕστερον ἄλλος ἵκοιτο

9.352 ἀνθρώπων πολέων , ἐπεὶ οὐ κατὰ μοῖραν ἔρεξας ;

9.353 ὣς ἐφάμην , ὁ δʹ ἔδεκτο καὶ ἔκπιεν · ἥσατο δʹ αἰνῶς

9.354 ἡδὺ ποτὸν πίνων καὶ μʹ ᾔτεε δεύτερον αὖτις ·

9.355 δός μοι ἔτι πρόφρων , καί μοι τεὸν οὔνομα εἰπὲ

9.356 αὐτίκα νῦν , ἵνα τοι δῶ ξείνιον , ᾧ κε σὺ χαίρῃς ·

9.357 καὶ γὰρ Κυκλώπεσσι φέρει ζείδωρος ἄρουρα

9.358 οἶνον ἐριστάφυλον , καί σφιν Διὸς ὄμβρος ἀέξει ·

9.359 ἀλλὰ τόδʹ ἀμβροσίης καὶ νέκταρός ἐστιν ἀπορρώξ .

9.360 ὣς φάτʹ ,