Greek Reader — The Homeric Odyssey (9.303

9.303 αἰπὺν ὄλεθρον ·

9.304 οὐ γάρ κεν δυνάμεσθα θυράων ὑψηλάων

9.305 χερσὶν ἀπώσασθαι λίθον ὄβριμον , ὃν προσέθηκεν .

9.306 ὣς τότε μὲν στενάχοντες ἐμείναμεν Ἠῶ δῖαν .

9.307 ἦμος δʹ ἠριγένεια φάνη ῥοδοδάκτυλος Ἠώς ,

9.308 καὶ τότε πῦρ ἀνέκαιε καὶ ἤμελγε κλυτὰ μῆλα ,

9.309 πάντα κατὰ μοῖραν , καὶ ὑπʹ ἔμβρυον ἧκεν ἑκάστῃ .

9.310 αὐτὰρ ἐπεὶ δὴ σπεῦσε πονησάμενος τὰ ἃ ἔργα ,

9.311 σὺν δʹ ὅ γε δὴ αὖτε δύω μάρψας ὡπλίσσατο δεῖπνον .

9.312 δειπνήσας δʹ ἄντρου ἐξήλασε πίονα μῆλα ,

9.313 ῥηιδίως ἀφελὼν θυρεὸν μέγαν · αὐτὰρ ἔπειτα

9.314 ἂψ ἐπέθηχʹ , ὡς εἴ τε φαρέτρῃ πῶμʹ ἐπιθείη .

9.315 πολλῇ δὲ ῥοίζῳ πρὸς ὄρος τρέπε πίονα μῆλα

9.316 Κύκλωψ · αὐτὰρ ἐγὼ λιπόμην κακὰ βυσσοδομεύων ,

9.317 εἴ πως τισαίμην , δοίη δέ μοι εὖχος Ἀθήνη .

9.318 ἥδε δέ μοι κατὰ θυμὸν ἀρίστη φαίνετο βουλή .

9.319 Κύκλωπος γὰρ ἔκειτο μέγα ῥόπαλον παρὰ σηκῷ ,

9.320 χλωρὸν ἐλαΐνεον · τὸ μὲν ἔκταμεν , ὄφρα φοροίη

9.321 αὐανθέν . τὸ μὲν ἄμμες ἐίσκομεν εἰσορόωντες

9.322 ὅσσον θʹ ἱστὸν νηὸς ἐεικοσόροιο μελαίνης ,

9.323 φορτίδος εὐρείης , ἥ τʹ ἐκπεράᾳ μέγα λαῖτμα ·

9.324 τόσσον ἔην μῆκος , τόσσον πάχος εἰσοράασθαι .

9.325 τοῦ μὲν ὅσον τʹ ὄργυιαν ἐγὼν ἀπέκοψα παραστὰς

9.326 καὶ παρέθηχʹ ἑτάροισιν , ἀποξῦναι δʹ ἐκέλευσα ·

9.327 οἱ δʹ ὁμαλὸν ποίησαν · ἐγὼ δʹ ἐθόωσα παραστὰς

9.328 ἄκρον , ἄφαρ δὲ λαβὼν ἐπυράκτεον ἐν πυρὶ κηλέῳ .

9.329 καὶ τὸ μὲν εὖ κατέθηκα κατακρύψας ὑπὸ κόπρῳ ,

9.330 ἥ ῥα κατὰ σπείους κέχυτο μεγάλʹ ἤλιθα πολλή ·

9.331 αὐτὰρ τοὺς ἄλλους κλήρῳ πεπαλάσθαι ἄνωγον ,

9.332 ὅς τις τολμήσειεν ἐμοὶ σὺν μοχλὸν ἀείρας

9.333 τρῖψαι ἐν ὀφθαλμῷ , ὅτε