Greek Reader — The Homeric Odyssey (4.741

4.741 .

4.742 τὴν δʹ αὖτε προσέειπε φίλη τροφὸς Εὐρύκλεια ·

4.743 νύμφα φίλη , σὺ μὲν ἄρ με κατάκτανε νηλέι χαλκῷ

4.744 ἢ ἔα ἐν μεγάρῳ · μῦθον δέ τοι οὐκ ἐπικεύσω .

4.745 ᾔδεʹ ἐγὼ τάδε πάντα , πόρον δέ οἱ ὅσσʹ ἐκέλευε ,

4.746 σῖτον καὶ μέθυ ἡδύ · ἐμεῦ δʹ ἕλετο μέγαν ὅρκον

4.747 μὴ πρὶν σοὶ ἐρέειν , πρὶν δωδεκάτην γε γενέσθαι

4.748 ἢ σʹ αὐτὴν ποθέσαι καὶ ἀφορμηθέντος ἀκοῦσαι ,

4.749 ὡς ἂν μὴ κλαίουσα κατὰ χρόα καλὸν ἰάπτῃς .

4.750 ἀλλʹ ὑδρηναμένη , καθαρὰ χροῒ εἵμαθʹ ἑλοῦσα ,

4.751 εἰς ὑπερῷʹ ἀναβᾶσα σὺν ἀμφιπόλοισι γυναιξὶν

4.752 εὔχεʹ Ἀθηναίῃ κούρῃ Διὸς αἰγιόχοιο ·

4.753 ἡ γάρ κέν μιν ἔπειτα καὶ ἐκ θανάτοιο σαώσαι .

4.754 μηδὲ γέροντα κάκου κεκακωμένον · οὐ γὰρ ὀίω

4.755 πάγχυ θεοῖς μακάρεσσι γονὴν Ἀρκεισιάδαο

4.756 ἔχθεσθʹ , ἀλλʹ ἔτι πού τις ἐπέσσεται ὅς κεν ἔχῃσι

4.757 δώματά θʹ ὑψερεφέα καὶ ἀπόπροθι πίονας ἀγρούς .

4.758 ὣς φάτο , τῆς δʹ εὔνησε γόον , σχέθε δʹ ὄσσε γόοιο .

4.759 ἡ δʹ ὑδρηναμένη , καθαρὰ χροῒ εἵμαθʹ ἑλοῦσα

4.760 εἰς ὑπερῷʹ ἀνέβαινε σὺν ἀμφιπόλοισι γυναιξίν ,

4.761 ἐν δʹ ἔθετʹ οὐλοχύτας κανέῳ , ἠρᾶτο δʹ Ἀθήνῃ ·

4.762 κλῦθί μευ , αἰγιόχοιο Διὸς τέκος , Ἀτρυτώνη ,

4.763 εἴ ποτέ τοι πολύμητις ἐνὶ μεγάροισιν Ὀδυσσεὺς

4.764 ἢ βοὸς ἢ ὄϊος κατὰ πίονα μηρίʹ ἔκηε ,

4.765 τῶν νῦν μοι μνῆσαι , καί μοι φίλον υἷα σάωσον ,

4.766 μνηστῆρας δʹ ἀπάλαλκε κακῶς ὑπερηνορέοντας .

4.767 ὣς εἰποῦσʹ ὀλόλυξε , θεὰ δέ οἱ ἔκλυεν ἀρῆς .

4.768 μνηστῆρες δʹ ὁμάδησαν ἀνὰ μέγαρα σκιόεντα ·

4.769 ὧδε δέ τις εἴπεσκε νέων ὑπερηνορεόντων ·

4.770 ἦ μάλα δὴ γάμον ἄμμι πολυμνήστη βασίλεια

4.771 ἀρτύει