Greek Reader — The Homeric Odyssey (4.681

4.681 ;

4.682 ἦ εἰπέμεναι δμῳῇσιν Ὀδυσσῆος θείοιο

4.683 ἔργων παύσασθαι , σφίσι δʹ αὐτοῖς δαῖτα πένεσθαι ;

4.684 μὴ μνηστεύσαντες μηδʹ ἄλλοθʹ ὁμιλήσαντες

4.685 ὕστατα καὶ πύματα νῦν ἐνθάδε δειπνήσειαν ·

4.686 οἳ θάμʹ ἀγειρόμενοι βίοτον κατακείρετε πολλόν ,

4.687 κτῆσιν Τηλεμάχοιο δαΐφρονος · οὐδέ τι πατρῶν

4.688 ὑμετέρων τὸ πρόσθεν ἀκούετε , παῖδες ἐόντες ,

4.689 οἷος Ὀδυσσεὺς ἔσκε μεθʹ ὑμετέροισι τοκεῦσιν ,

4.690 οὔτε τινὰ ῥέξας ἐξαίσιον οὔτε τι εἰπὼν

4.691 ἐν δήμῳ , ἥ τʹ ἐστὶ δίκη θείων βασιλήων ·

4.692 ἄλλον κʹ ἐχθαίρῃσι βροτῶν , ἄλλον κε φιλοίη .

4.693 κεῖνος δʹ οὔ ποτε πάμπαν ἀτάσθαλον ἄνδρα ἐώργει .

4.694 ἀλλʹ ὁ μὲν ὑμέτερος θυμὸς καὶ ἀεικέα ἔργα

4.695 φαίνεται , οὐδέ τίς ἐστι χάρις μετόπισθʹ ἐυεργέων .

4.696 τὴν δʹ αὖτε προσέειπε Μέδων πεπνυμένα εἰδώς ·

4.697 αἲ γὰρ δή , βασίλεια , τόδε πλεῖστον κακὸν εἴη .

4.698 ἀλλὰ πολὺ μεῖζόν τε καὶ ἀργαλεώτερον ἄλλο

4.699 μνηστῆρες φράζονται , ὃ μὴ τελέσειε Κρονίων ·

4.700 Τηλέμαχον μεμάασι κατακτάμεν ὀξέι χαλκῷ

4.701 οἴκαδε νισόμενον · ὁ δʹ ἔβη μετὰ πατρὸς ἀκουὴν

4.702 ἐς Πύλον ἠγαθέην ἠδʹ ἐς Λακεδαίμονα δῖαν .

4.703 ὣς φάτο , τῆς δʹ αὐτοῦ λύτο γούνατα καὶ φίλον ἦτορ ,

4.704 δὴν δέ μιν ἀμφασίη ἐπέων λάβε · τὼ δέ οἱ ὄσσε

4.705 δακρυόφι πλῆσθεν , θαλερὴ δέ οἱ ἔσχετο φωνή .

4.706 ὀψὲ δὲ δή μιν ἔπεσσιν ἀμειβομένη προσέειπε ·

4.707 κῆρυξ , τίπτε δέ μοι πάϊς οἴχεται ; οὐδέ τί μιν χρεὼ

4.708 νηῶν ὠκυπόρων ἐπιβαινέμεν , αἵ θʹ ἁλὸς ἵπποι

4.709 ἀνδράσι γίγνονται , περόωσι δὲ πουλὺν ἐφʹ ὑγρήν .

4.710 ἦ ἵνα μηδʹ ὄνομʹ αὐτοῦ ἐν ἀνθρώποισι λίπηται ;

4.711 τὴν δʹ ἠμείβετʹ ἔπειτα Μέδων πεπνυμένα εἰδώς ·