Greek Reader — The Homeric Odyssey (4.652

4.652 δῆμον ἀριστεύουσι μεθʹ ἡμέας ,

4.653 οἵ οἱ ἕποντʹ · ἐν δʹ ἀρχὸν ἐγὼ βαίνοντʹ ἐνόησα

4.654 Μέντορα , ἠὲ θεόν , τῷ δʹ αὐτῷ πάντα ἐῴκει .

4.655 ἀλλὰ τὸ θαυμάζω · ἴδον ἐνθάδε Μέντορα δῖον

4.656 χθιζὸν ὑπηοῖον , τότε δʹ ἔμβη νηὶ Πύλονδε .

4.657 ὣς ἄρα φωνήσας ἀπέβη πρὸς δώματα πατρός ,

4.658 τοῖσιν δʹ ἀμφοτέροισιν ἀγάσσατο θυμὸς ἀγήνωρ .

4.659 μνηστῆρας δʹ ἄμυδις κάθισαν καὶ παῦσαν ἀέθλων .

4.660 τοῖσιν δʹ Ἀντίνοος μετέφη Εὐπείθεος υἱός ,

4.661 ἀχνύμενος · μένεος δὲ μέγα φρένες ἀμφιμέλαιναι

4.662 πίμπλαντʹ , ὄσσε δέ οἱ πυρὶ λαμπετόωντι ἐίκτην ·

4.663 ὢ πόποι , ἦ μέγα ἔργον ὑπερφιάλως ἐτελέσθη

4.664 Τηλεμάχῳ ὁδὸς ἥδε · φάμεν δέ οἱ οὐ τελέεσθαι .

4.665 ἐκ τοσσῶνδʹ ἀέκητι νέος πάϊς οἴχεται αὔτως

4.666 νῆα ἐρυσσάμενος , κρίνας τʹ ἀνὰ δῆμον ἀρίστους .

4.667 ἄρξει καὶ προτέρω κακὸν ἔμμεναι · ἀλλά οἱ αὐτῷ

4.668 Ζεὺς ὀλέσειε βίην , πρὶν ἥβης μέτρον ἱκέσθαι .

4.669 ἀλλʹ ἄγε μοι δότε νῆα θοὴν καὶ εἴκοσʹ ἑταίρους ,

4.670 ὄφρα μιν αὐτὸν ἰόντα λοχήσομαι ἠδὲ φυλάξω

4.671 ἐν πορθμῷ Ἰθάκης τε Σάμοιό τε παιπαλοέσσης ,

4.672 ὡς ἂν ἐπισμυγερῶς ναυτίλλεται εἵνεκα πατρός .

4.673 ὣς ἔφαθʹ , οἱ δʹ ἄρα πάντες ἐπῄνεον ἠδʹ ἐκέλευον .

4.674 αὐτίκʹ ἔπειτʹ ἀνστάντες ἔβαν δόμον εἰς Ὀδυσῆος .

4.675 οὐδʹ ἄρα Πηνελόπεια πολὺν χρόνον ἦεν ἄπυστος

4.676 μύθων , οὓς μνηστῆρες ἐνὶ φρεσὶ βυσσοδόμευον ·

4.677 κῆρυξ γάρ οἱ ἔειπε Μέδων , ὃς ἐπεύθετο βουλὰς

4.678 αὐλῆς ἐκτὸς ἐών · οἱ δʹ ἔνδοθι μῆτιν ὕφαινον .

4.679 βῆ δʹ ἴμεν ἀγγελέων διὰ δώματα Πηνελοπείῃ ·

4.680 τὸν δὲ κατʹ οὐδοῦ βάντα προσηύδα Πηνελόπεια ·

4.681 κῆρυξ , τίπτε δέ σε πρόεσαν μνηστῆρες ἀγαυοί