Greek Reader — The Homeric Odyssey (4.595

4.595 εἰς ἐνιαυτὸν ἐγὼ παρὰ σοί γʹ ἀνεχοίμην

4.596 ἥμενος , οὐδέ κέ μʹ οἴκου ἕλοι πόθος οὐδὲ τοκήων ·

4.597 αἰνῶς γὰρ μύθοισιν ἔπεσσί τε σοῖσιν ἀκούων

4.598 τέρπομαι . ἀλλʹ ἤδη μοι ἀνιάζουσιν ἑταῖροι

4.599 ἐν Πύλῳ ἠγαθέῃ · σὺ δέ με χρόνον ἐνθάδʹ ἐρύκεις .

4.600 δῶρον δʹ ὅττι κέ μοι δοίης , κειμήλιον ἔστω ·

4.601 ἵππους δʹ εἰς Ἰθάκην οὐκ ἄξομαι , ἀλλὰ σοὶ αὐτῷ

4.602 ἐνθάδε λείψω ἄγαλμα · σὺ γὰρ πεδίοιο ἀνάσσεις

4.603 εὐρέος , ᾧ ἔνι μὲν λωτὸς πολύς , ἐν δὲ κύπειρον

4.604 πυροί τε ζειαί τε ἰδʹ εὐρυφυὲς κρῖ λευκόν .

4.605 ἐν δʹ Ἰθάκῃ οὔτʹ ἂρ δρόμοι εὐρέες οὔτε τι λειμών ·

4.606 αἰγίβοτος , καὶ μᾶλλον ἐπήρατος ἱπποβότοιο .

4.607 οὐ γάρ τις νήσων ἱππήλατος οὐδʹ ἐυλείμων ,

4.608 αἵ θʹ ἁλὶ κεκλίαται · Ἰθάκη δέ τε καὶ περὶ πασέων .

4.609 ὣς φάτο , μείδησεν δὲ βοὴν ἀγαθὸς Μενέλαος ,

4.610 χειρί τέ μιν κατέρεξεν ἔπος τʹ ἔφατʹ ἔκ τʹ ὀνόμαζεν ·

4.611 αἵματός εἰς ἀγαθοῖο , φίλον τέκος , οἷʹ ἀγορεύεις ·

4.612 τοιγὰρ ἐγώ τοι ταῦτα μεταστήσω · δύναμαι γάρ .

4.613 δώρων δʹ ὅσσʹ ἐν ἐμῷ οἴκῳ κειμήλια κεῖται ,

4.614 δώσω ὃ κάλλιστον καὶ τιμηέστατόν ἐστιν ·

4.615 δώσω τοι κρητῆρα τετυγμένον · ἀργύρεος δὲ

4.616 ἔστιν ἅπας , χρυσῷ δʹ χείλεα κεκράανται ,

4.617 ἔργον δʹ Ἡφαίστοιο . πόρεν δέ ἑ Φαίδιμος ἥρως ,

4.618 Σιδονίων βασιλεύς , ὅθʹ ἑὸς δόμος ἀμφεκάλυψε

4.619 κεῖσέ με νοστήσαντα · τεῒν δʹ ἐθέλω τόδʹ ὀπάσσαι .

4.620 ὣς οἱ μὲν τοιαῦτα πρὸς ἀλλήλους ἀγόρευον ,

4.621 δαιτυμόνες δʹ ἐς δώματʹ ἴσαν θείου βασιλῆος .

4.622 οἱ δʹ ἦγον μὲν μῆλα , φέρον δʹ