Greek Reader — The Homeric Odyssey (4.536

4.536 οἱ ἕποντο ,

4.537 οὐδέ τις Αἰγίσθου , ἀλλʹ ἔκταθεν ἐν μεγάροισιν .

4.538 ὣς ἔφατʹ , αὐτὰρ ἐμοί γε κατεκλάσθη φίλον ἦτορ ,

4.539 κλαῖον δʹ ἐν ψαμάθοισι καθήμενος , οὐδέ νύ μοι κῆρ

4.540 ἤθελʹ ἔτι ζώειν καὶ ὁρᾶν φάος ἠελίοιο .

4.541 αὐτὰρ ἐπεὶ κλαίων τε κυλινδόμενός τε κορέσθην ,

4.542 δὴ τότε με προσέειπε γέρων ἅλιος νημερτής ·

4.543 μηκέτι , Ἀτρέος υἱέ , πολὺν χρόνον ἀσκελὲς οὕτω

4.544 κλαῖʹ , ἐπεὶ οὐκ ἄνυσίν τινα δήομεν · ἀλλὰ τάχιστα

4.545 πείρα ὅπως κεν δὴ σὴν πατρίδα γαῖαν ἵκηαι .

4.546 ἢ γάρ μιν ζωόν γε κιχήσεαι , ἤ κεν Ὀρέστης

4.547 κτεῖνεν ὑποφθάμενος , σὺ δέ κεν τάφου ἀντιβολήσαις .

4.548 ὣς ἔφατʹ , αὐτὰρ ἐμοὶ κραδίη καὶ θυμὸς ἀγήνωρ

4.549 αὖτις ἐνὶ στήθεσσι καὶ ἀχνυμένῳ περ ἰάνθη ,

4.550 καί μιν φωνήσας ἔπεα πτερόεντα προσηύδων ·

4.551 τούτους μὲν δὴ οἶδα · σὺ δὲ τρίτον ἄνδρʹ ὀνόμαζε ,

4.552 ὅς τις ἔτι ζωὸς κατερύκεται εὐρέι πόντῳ

4.553 ἠὲ θανών · ἐθέλω δὲ καὶ ἀχνύμενός περ ἀκοῦσαι .

4.554 ὣς ἐφάμην , ὁ δέ μʹ αὐτίκʹ ἀμειβόμενος προσέειπεν ·

4.555 υἱὸς Λαέρτεω , Ἰθάκῃ ἔνι οἰκία ναίων ·

4.556 τὸν δʹ ἴδον ἐν νήσῳ θαλερὸν κατὰ δάκρυ χέοντα ,

4.557 νύμφης ἐν μεγάροισι Καλυψοῦς , ἥ μιν ἀνάγκῃ

4.558 ἴσχει · ὁ δʹ οὐ δύναται ἣν πατρίδα γαῖαν ἱκέσθαι ·

4.559 οὐ γάρ οἱ πάρα νῆες ἐπήρετμοι καὶ ἑταῖροι ,

4.560 οἵ κέν μιν πέμποιεν ἐπʹ εὐρέα νῶτα θαλάσσης .

4.561 σοι δʹ οὐ θέσφατόν ἐστι , διοτρεφὲς ὦ Μενέλαε ,

4.562 Ἄργει ἐν ἱπποβότῳ θανέειν καὶ πότμον ἐπισπεῖν ,

4.563 ἀλλά σʹ ἐς Ἠλύσιον πεδίον καὶ πείρατα γαίης

4.564 ἀθάνατοι πέμψουσιν , ὅθι