Greek Reader — The Homeric Odyssey (4.508

4.508 μὲν αὐτόθι μεῖνε , τὸ δὲ τρύφος ἔμπεσε πόντῳ ,

4.509 τῷ ῥʹ Αἴας τὸ πρῶτον ἐφεζόμενος μέγʹ ἀάσθη ·

4.510 τὸν δʹ ἐφόρει κατὰ πόντον ἀπείρονα κυμαίνοντα .

4.511 ὣς ὁ μὲν ἔνθʹ ἀπόλωλεν , ἐπεὶ πίεν ἁλμυρὸν ὕδωρ .

4.512 σὸς δέ που ἔκφυγε κῆρας ἀδελφεὸς ἠδʹ ὑπάλυξεν

4.513 ἐν νηυσὶ γλαφυρῇσι · σάωσε δὲ πότνια Ἥρη .

4.514 ἀλλʹ ὅτε δὴ τάχʹ ἔμελλε Μαλειάων ὄρος αἰπὺ

4.515 ἵξεσθαι , τότε δή μιν ἀναρπάξασα θύελλα

4.516 πόντον ἐπʹ ἰχθυόεντα φέρεν βαρέα στενάχοντα ,

4.517 ἀγροῦ ἐπʹ ἐσχατιήν , ὅθι δώματα ναῖε Θυέστης

4.518 τὸ πρίν , ἀτὰρ τότʹ ἔναιε Θυεστιάδης Αἴγισθος .

4.519 ἀλλʹ ὅτε δὴ καὶ κεῖθεν ἐφαίνετο νόστος ἀπήμων ,

4.520 ἂψ δὲ θεοὶ οὖρον στρέψαν , καὶ οἴκαδʹ ἵκοντο ,

4.521 ἦ τοι ὁ μὲν χαίρων ἐπεβήσετο πατρίδος αἴης

4.522 καὶ κύνει ἁπτόμενος ἣν πατρίδα · πολλὰ δʹ ἀπʹ αὐτοῦ

4.523 δάκρυα θερμὰ χέοντʹ , ἐπεὶ ἀσπασίως ἴδε γαῖαν .

4.524 τὸν δʹ ἄρʹ ἀπὸ σκοπιῆς εἶδε σκοπός , ὅν ῥα καθεῖσεν

4.525 Αἴγισθος δολόμητις ἄγων , ὑπὸ δʹ ἔσχετο μισθὸν

4.526 χρυσοῦ δοιὰ τάλαντα · φύλασσε δʹ ὅ γʹ εἰς ἐνιαυτόν ,

4.527 μή ἑ λάθοι παριών , μνήσαιτο δὲ θούριδος ἀλκῆς .

4.528 βῆ δʹ ἴμεν ἀγγελέων πρὸς δώματα ποιμένι λαῶν .

4.529 αὐτίκα δʹ Αἴγισθος δολίην ἐφράσσατο τέχνην ·

4.530 κρινάμενος κατὰ δῆμον ἐείκοσι φῶτας ἀρίστους

4.531 εἷσε λόχον , ἑτέρωθι δʹ ἀνώγει δαῖτα πένεσθαι .

4.532 αὐτὰρ ὁ βῆ καλέων Ἀγαμέμνονα , ποιμένα λαῶν

4.533 ἵπποισιν καὶ ὄχεσφιν , ἀεικέα μερμηρίζων .

4.534 τὸν δʹ οὐκ εἰδότʹ ὄλεθρον ἀνήγαγε καὶ κατέπεφνεν

4.535 δειπνίσσας , ὥς τίς τε κατέκτανε βοῦν ἐπὶ φάτνῃ .

4.536 οὐδέ τις Ἀτρεΐδεω ἑτάρων λίπεθʹ οἵ