Greek Reader — The Homeric Odyssey (4.451

4.451 δʹ ἀριθμόν ·

4.452 ἐν δʹ ἡμέας πρώτους λέγε κήτεσιν , οὐδέ τι θυμῷ

4.453 ὠΐσθη δόλον εἶναι · ἔπειτα δὲ λέκτο καὶ αὐτός .

4.454 ἡμεῖς δὲ ἰάχοντες ἐπεσσύμεθʹ , ἀμφὶ δὲ χεῖρας

4.455 βάλλομεν · οὐδʹ ὁ γέρων δολίης ἐπελήθετο τέχνης ,

4.456 ἀλλʹ ἦ τοι πρώτιστα λέων γένετʹ ἠυγένειος ,

4.457 αὐτὰρ ἔπειτα δράκων καὶ πάρδαλις ἠδὲ μέγας σῦς ·

4.458 γίγνετο δʹ ὑγρὸν ὕδωρ καὶ δένδρεον ὑψιπέτηλον ·

4.459 ἡμεῖς δʹ ἀστεμφέως ἔχομεν τετληότι θυμῷ .

4.460 ἀλλʹ ὅτε δή ῥʹ ἀνίαζʹ ὁ γέρων ὀλοφώια εἰδώς ,

4.461 καὶ τότε δή μʹ ἐπέεσσιν ἀνειρόμενος προσέειπε ·

4.462 τίς νύ τοι , Ἀτρέος υἱέ , θεῶν συμφράσσατο βουλάς ,

4.463 ὄφρα μʹ ἕλοις ἀέκοντα λοχησάμενος ; τέο σε χρή ;

4.464 ὣς ἔφατʹ , αὐτὰρ ἐγώ μιν ἀμειβόμενος προσέειπον ·

4.465 οἶσθα , γέρον , τί με ταῦτα παρατροπέων ἐρεείνεις ;

4.466 ὡς δὴ δήθʹ ἐνὶ νήσῳ ἐρύκομαι , οὐδέ τι τέκμωρ

4.467 εὑρέμεναι δύναμαι , μινύθει δέ μοι ἔνδοθεν ἦτορ .

4.468 ἀλλὰ σύ πέρ μοι εἰπέ , θεοὶ δέ τε πάντα ἴσασιν ,

4.469 ὅς τίς μʹ ἀθανάτων πεδάᾳ καὶ ἔδησε κελεύθου ,

4.470 νόστον θʹ , ὡς ἐπὶ πόντον ἐλεύσομαι ἰχθυόεντα .

4.471 ὣς ἐφάμην , ὁ δέ μʹ αὐτίκʹ ἀμειβόμενος προσέειπεν ·

4.472 ἀλλὰ μάλʹ ὤφελλες Διί τʹ ἄλλοισίν τε θεοῖσι

4.473 ῥέξας ἱερὰ κάλʹ ἀναβαινέμεν , ὄφρα τάχιστα

4.474 σὴν ἐς πατρίδʹ ἵκοιο πλέων ἐπὶ οἴνοπα πόντον .

4.475 οὐ γάρ τοι πρὶν μοῖρα φίλους τʹ ἰδέειν καὶ ἱκέσθαι

4.476 οἶκον ἐυκτίμενον καὶ σὴν ἐς πατρίδα γαῖαν ,

4.477 πρίν γʹ ὅτʹ ἂν Αἰγύπτοιο , διιπετέος ποταμοῖο ,

4.478 αὖτις ὕδωρ ἔλθῃς ῥέξῃς θʹ ἱερὰς ἑκατόμβας

4.479 ἀθανάτοισι θεοῖσι ,