17.557 σὺ μάλιστα
17.558 χρηΐζεις · σῖτον δὲ καὶ αἰτίζων κατὰ δῆμον
17.559 γαστέρα βοσκήσεις · δώσει δέ τοι ὅς κʹ ἐθέλῃσι .
17.560 τὸν δʹ αὖτε προσέειπε πολύτλας δῖος Ὀδυσσεύς ·
17.561 Εὔμαιʹ , αἶψά κʹ ἐγὼ νημερτέα πάντʹ ἐνέποιμι
17.562 κούρῃ Ἰκαρίοιο , περίφρονι Πηνελοπείῃ ·
17.563 οἶδα γὰρ εὖ περὶ κείνου , ὁμὴν δʹ ἀνεδέγμεθʹ ὀϊζύν .
17.564 ἀλλὰ μνηστήρων χαλεπῶν ὑποδείδιʹ ὅμιλον ,
17.565 τῶν ὕβρις τε βίη τε σιδήρεον οὐρανὸν ἵκει .
17.566 καὶ γὰρ νῦν , ὅτε μʹ οὗτος ἀνὴρ κατὰ δῶμα κιόντα
17.567 οὔ τι κακὸν ῥέξαντα βαλὼν ὀδύνῃσιν ἔδωκεν ,
17.568 οὔτε τι Τηλέμαχος τό γʹ ἐπήρκεσεν οὔτε τις ἄλλος .
17.569 τῷ νῦν Πηνελόπειαν ἐνὶ μεγάροισιν ἄνωχθι
17.570 μεῖναι , ἐπειγομένην περ , ἐς ἠέλιον καταδύντα ·
17.571 καὶ τότε μʹ εἰρέσθω πόσιος πέρι νόστιμον ἦμαρ ,
17.572 ἀσσοτέρω καθίσασα παραὶ πυρί · εἵματα γάρ τοι
17.573 λύγρʹ ἔχω · οἶσθα καὶ αὐτός , ἐπεί σε πρῶθʹ ἱκέτευσα .
17.574 ὣς φάτο , βῆ δὲ συφορβός , ἐπεὶ τὸν μῦθον ἄκουσε .
17.575 τὸν δʹ ὑπὲρ οὐδοῦ βάντα προσηύδα Πηνελόπεια ·
17.576 οὐ σύ γʹ ἄγεις , Εὔμαιε · τί τοῦτʹ ἐνόησεν ἀλήτης ;
17.577 ἦ τινά που δείσας ἐξαίσιον ἦε καὶ ἄλλως
17.578 αἰδεῖται κατὰ δῶμα ; κακὸς δʹ αἰδοῖος ἀλήτης .
17.579 τὴν δʹ ἀπαμειβόμενος προσέφης , Εὔμαιε συβῶτα ·
17.580 μυθεῖται κατὰ μοῖραν , ἅ πέρ κʹ οἴοιτο καὶ ἄλλος ,
17.581 ὕβριν ἀλυσκάζων ἀνδρῶν ὑπερηνορεόντων .
17.582 ἀλλά σε μεῖναι ἄνωγεν ἐς ἠέλιον καταδύντα .
17.583 καὶ δὲ σοὶ ὧδʹ αὐτῇ πολὺ κάλλιον , ὦ βασίλεια ,
17.584 οἴην πρὸς ξεῖνον φάσθαι ἔπος ἠδʹ ἐπακοῦσαι .
17.585 τὸν δʹ αὖτε προσέειπε περίφρων Πηνελόπεια ·
17.586 οὐκ ἄφρων