15.271 αὖτε προσέειπε Θεοκλύμενος θεοειδής ·
15.272 οὕτω τοι καὶ ἐγὼν ἐκ πατρίδος , ἄνδρα κατακτὰς
15.273 ἔμφυλον · πολλοὶ δὲ κασίγνητοί τε ἔται τε
15.274 Ἄργος ἀνʹ ἱππόβοτον , μέγα δὲ κρατέουσιν Ἀχαιῶν .
15.275 τῶν ὑπαλευάμενος θάνατον καὶ κῆρα μέλαιναν
15.276 φεύγω , ἐπεί νύ μοι αἶσα κατʹ ἀνθρώπους ἀλάλησθαι .
15.277 ἀλλά με νηὸς ἔφεσσαι , ἐπεί σε φυγὼν ἱκέτευσα ,
15.278 μή με κατακτείνωσι · διωκέμεναι γὰρ ὀΐω .
15.279 τὸν δʹ αὖ Τηλέμαχος πεπνυμένος ἀντίον ηὔδα ·
15.280 οὐ μὲν δή σʹ ἐθέλοντά γʹ ἀπώσω νηὸς ἐΐσης ,
15.281 ἀλλʹ ἕπευ · αὐτὰρ κεῖθι φιλήσεαι , οἷά κʹ ἔχωμεν .
15.282 ὣς ἄρα φωνήσας οἱ ἐδέξατο χάλκεον ἔγχος ,
15.283 καὶ τό γʹ ἐπʹ ἰκριόφιν τάνυσεν νεὸς ἀμφιελίσσης ·
15.284 ἂν δὲ καὶ αὐτὸς νηὸς ἐβήσετο ποντοπόροιο .
15.285 ἐν πρύμνῃ δʹ ἄρʹ ἔπειτα καθέζετο , πὰρ δὲ οἷ αὐτῷ
15.286 εἷσε Θεοκλύμενον · τοὶ δὲ πρυμνήσιʹ ἔλυσαν .
15.287 Τηλέμαχος δʹ ἑτάροισιν ἐποτρύνας ἐκέλευσεν
15.288 ὅπλων ἅπτεσθαι · τοὶ δʹ ἐσσυμένως ἐπίθοντο .
15.289 ἱστὸν δʹ εἰλάτινον κοίλης ἔντοσθε μεσόδμης
15.290 στῆσαν ἀείραντες , κατὰ δὲ προτόνοισιν ἔδησαν ,
15.291 ἕλκον δʹ ἱστία λευκὰ ἐϋστρέπτοισι βοεῦσι .
15.292 τοῖσιν δʹ ἴκμενον οὖρον ἵει γλαυκῶπις Ἀθήνη ,
15.293 λάβρον ἐπαιγίζοντα διʹ αἰθέρος , ὄφρα τάχιστα
15.294 νηῦς ἀνύσειε θέουσα θαλάσσης ἁλμυρὸν ὕδωρ .
15.295 βὰν δὲ παρὰ Κρουνοὺς καὶ Χαλκίδα καλλιρέεθρον .
15.296 δύσετό τʹ ἠέλιος σκιόωντό τε πᾶσαι ἀγυιαί ·
15.297 ἡ δὲ Φεὰς ἐπέβαλλεν ἐπειγομένη Διὸς οὔρῳ
15.298 ἠδὲ παρʹ Ἤλιδα δῖαν , ὅθι κρατέουσιν Ἐπειοί .
15.299 ἔνθεν δʹ αὖ νήσοισιν ἐπιπροέηκε θοῇσιν ,
15.300 ὁρμαίνων ἤ κεν θάνατον φύγοι ἦ κεν ἁλώῃ .
15.301 τὼ δʹ αὖτʹ ἐν κλισίῃ Ὀδυσεὺς καὶ δῖος