10.411 ἐς κόπρον , ἐπὴν βοτάνης κορέσωνται ,
10.412 πᾶσαι ἅμα σκαίρουσιν ἐναντίαι · οὐδʹ ἔτι σηκοὶ
10.413 ἴσχουσʹ , ἀλλʹ ἁδινὸν μυκώμεναι ἀμφιθέουσι ·
10.414 μητέρας · ὣς ἔμʹ ἐκεῖνοι ἐπεὶ ἴδον ὀφθαλμοῖσι ,
10.415 δακρυόεντες ἔχυντο · δόκησε δʹ ἄρα σφίσι θυμὸς
10.416 ὣς ἔμεν , ὡς εἰ πατρίδʹ ἱκοίατο καὶ πόλιν αὐτὴν
10.417 τρηχείης Ἰθάκης , ἵνα τʹ ἔτραφεν ἠδʹ ἐγένοντο .
10.418 καί μʹ ὀλοφυρόμενοι ἔπεα πτερόεντα προσηύδων ·
10.419 σοὶ μὲν νοστήσαντι , διοτρεφές , ὣς ἐχάρημεν ,
10.420 ὡς εἴ τʹ εἰς Ἰθάκην ἀφικοίμεθα πατρίδα γαῖαν ·
10.421 ἀλλʹ ἄγε , τῶν ἄλλων ἑτάρων κατάλεξον ὄλεθρον .
10.422 ὣς ἔφαν , αὐτὰρ ἐγὼ προσέφην μαλακοῖς ἐπέεσσι ·
10.423 νῆα μὲν ἂρ πάμπρωτον ἐρύσσομεν ἤπειρόνδε ,
10.424 κτήματα δʹ ἐν σπήεσσι πελάσσομεν ὅπλα τε πάντα ·
10.425 αὐτοὶ δʹ ὀτρύνεσθε ἐμοὶ ἅμα πάντες ἕπεσθαι ,
10.426 ὄφρα ἴδηθʹ ἑτάρους ἱεροῖς ἐν δώμασι Κίρκης
10.427 πίνοντας καὶ ἔδοντας · ἐπηετανὸν γὰρ ἔχουσιν .
10.428 ὣς ἐφάμην , οἱ δʹ ὦκα ἐμοῖς ἐπέεσσι πίθοντο .
10.429 Εὐρύλοχος δέ μοι οἶος ἐρύκανε πάντας ἑταίρους ·
10.430 καί σφεας φωνήσας ἔπεα πτερόεντα προσηύδα ·
10.431 ἆ δειλοί , πόσʹ ἴμεν ; τί κακῶν ἱμείρετε τούτων ;
10.432 Κίρκης ἐς μέγαρον καταβήμεναι , ἥ κεν ἅπαντας
10.433 ἢ σῦς ἠὲ λύκους ποιήσεται ἠὲ λέοντας ,
10.434 οἵ κέν οἱ μέγα δῶμα φυλάσσοιμεν καὶ ἀνάγκῃ ,
10.435 ὥς περ Κύκλωψ ἔρξʹ , ὅτε οἱ μέσσαυλον ἵκοντο
10.436 ἡμέτεροι ἕταροι , σὺν δʹ ὁ θρασὺς εἵπετʹ Ὀδυσσεύς ·
10.437 τούτου γὰρ καὶ κεῖνοι ἀτασθαλίῃσιν ὄλοντο .
10.438 ὣς ἔφατʹ , αὐτὰρ ἐγώ γε μετὰ φρεσὶ μερμήριξα ,
10.439 σπασσάμενος τανύηκες ἄορ παχέος παρὰ μηροῦ ,
10.440 τῷ οἱ ἀποπλήξας κεφαλὴν οὖδάσδε πελάσσαι