Greek Reader — The Homeric Odyssey (9.388

9.388 δινέομεν , τὸν δʹ αἷμα περίρρεε θερμὸν ἐόντα .

9.389 πάντα δέ οἱ βλέφαρʹ ἀμφὶ καὶ ὀφρύας εὗσεν ἀυτμὴ

9.390 γλήνης καιομένης , σφαραγεῦντο δέ οἱ πυρὶ ῥίζαι .

9.391 ὡς δʹ ὅτʹ ἀνὴρ χαλκεὺς πέλεκυν μέγαν ἠὲ σκέπαρνον

9.392 εἰν ὕδατι ψυχρῷ βάπτῃ μεγάλα ἰάχοντα

9.393 φαρμάσσων · τὸ γὰρ αὖτε σιδήρου γε κράτος ἐστίν

9.394 ὣς τοῦ σίζʹ ὀφθαλμὸς ἐλαϊνέῳ περὶ μοχλῷ .

9.395 σμερδαλέον δὲ μέγʹ ᾤμωξεν , περὶ δʹ ἴαχε πέτρη ,

9.396 ἡμεῖς δὲ δείσαντες ἀπεσσύμεθʹ · αὐτὰρ ὁ μοχλὸν

9.397 ἐξέρυσʹ ὀφθαλμοῖο πεφυρμένον αἵματι πολλῷ .

9.398 τὸν μὲν ἔπειτʹ ἔρριψεν ἀπὸ ἕο χερσὶν ἀλύων ,

9.399 αὐτὰρ ὁ Κύκλωπας μεγάλʹ ἤπυεν , οἵ ῥά μιν ἀμφὶς

9.400 ᾤκεον ἐν σπήεσσι διʹ ἄκριας ἠνεμοέσσας .

9.401 οἱ δὲ βοῆς ἀίοντες ἐφοίτων ἄλλοθεν ἄλλος ,

9.402 ἱστάμενοι δʹ εἴροντο περὶ σπέος ὅττι ἑ κήδοι ·

9.403 τίπτε τόσον , Πολύφημʹ , ἀρημένος ὧδʹ ἐβόησας

9.404 νύκτα διʹ ἀμβροσίην καὶ ἀύπνους ἄμμε τίθησθα ;

9.405 ἦ μή τίς σευ μῆλα βροτῶν ἀέκοντος ἐλαύνει ;

9.406 ἦ μή τίς σʹ αὐτὸν κτείνει δόλῳ ἠὲ βίηφιν ;

9.407 τοὺς δʹ αὖτʹ ἐξ ἄντρου προσέφη κρατερὸς Πολύφημος ·

9.408 ὦ φίλοι , Οὖτίς με κτείνει δόλῳ οὐδὲ βίηφιν .

9.409 οἱ δʹ ἀπαμειβόμενοι ἔπεα πτερόεντʹ ἀγόρευον ·

9.410 εἰ μὲν δὴ μή τίς σε βιάζεται οἶον ἐόντα ,

9.411 νοῦσον γʹ οὔ πως ἔστι Διὸς μεγάλου ἀλέασθαι ,

9.412 ἀλλὰ σύ γʹ εὔχεο πατρὶ Ποσειδάωνι ἄνακτι .

9.413 ὣς ἄρʹ ἔφαν ἀπιόντες , ἐμὸν δʹ ἐγέλασσε φίλον κῆρ ,

9.414 ὡς ὄνομʹ ἐξαπάτησεν ἐμὸν καὶ μῆτις ἀμύμων .

9.415 Κύκλωψ δὲ στενάχων τε καὶ ὠδίνων ὀδύνῃσι

9.416 χερσὶ ψηλαφόων ἀπὸ μὲν λίθον εἷλε θυράων ,

9.417 αὐτὸς δʹ