Greek Reader — The Homeric Odyssey (5.442

5.442 ἐείσατο χῶρος ἄριστος ,

5.443 λεῖος πετράων , καὶ ἐπὶ σκέπας ἦν ἀνέμοιο ,

5.444 ἔγνω δὲ προρέοντα καὶ εὔξατο ὃν κατὰ θυμόν ·

5.445 κλῦθι , ἄναξ , ὅτις ἐσσί · πολύλλιστον δέ σʹ ἱκάνω ,

5.446 φεύγων ἐκ πόντοιο Ποσειδάωνος ἐνιπάς .

5.447 αἰδοῖος μέν τʹ ἐστὶ καὶ ἀθανάτοισι θεοῖσιν

5.448 ἀνδρῶν ὅς τις ἵκηται ἀλώμενος , ὡς καὶ ἐγὼ νῦν

5.449 σόν τε ῥόον σά τε γούναθʹ ἱκάνω πολλὰ μογήσας .

5.450 ἀλλʹ ἐλέαιρε , ἄναξ · ἱκέτης δέ τοι εὔχομαι εἶναι .

5.451 ὣς φάθʹ , ὁ δʹ αὐτίκα παῦσεν ἑὸν ῥόον , ἔσχε δὲ κῦμα ,

5.452 πρόσθε δέ οἱ ποίησε γαλήνην , τὸν δʹ ἐσάωσεν

5.453 ἐς ποταμοῦ προχοάς . ὁ δʹ ἄρʹ ἄμφω γούνατʹ ἔκαμψε

5.454 χεῖράς τε στιβαράς . ἁλὶ γὰρ δέδμητο φίλον κῆρ .

5.455 ᾤδεε δὲ χρόα πάντα , θάλασσα δὲ κήκιε πολλὴ

5.456 ἂν στόμα τε ῥῖνάς θʹ · ὁ δʹ ἄρʹ ἄπνευστος καὶ ἄναυδος

5.457 κεῖτʹ ὀλιγηπελέων , κάματος δέ μιν αἰνὸς ἵκανεν .

5.458 ἀλλʹ ὅτε δή ῥʹ ἄμπνυτο καὶ ἐς φρένα θυμὸς ἀγέρθη ,

5.459 καὶ τότε δὴ κρήδεμνον ἀπὸ ἕο λῦσε θεοῖο .

5.460 καὶ τὸ μὲν ἐς ποταμὸν ἁλιμυρήεντα μεθῆκεν ,

5.461 ἂψ δʹ ἔφερεν μέγα κῦμα κατὰ ῥόον , αἶψα δʹ ἄρʹ Ἰνὼ

5.462 δέξατο χερσὶ φίλῃσιν · ὁ δʹ ἐκ ποταμοῖο λιασθεὶς

5.463 σχοίνῳ ὑπεκλίνθη , κύσε δὲ ζείδωρον ἄρουραν .

5.464 ὀχθήσας δʹ ἄρα εἶπε πρὸς ὃν μεγαλήτορα θυμόν ·

5.465 ὤ μοι ἐγώ , τί πάθω ; τί νύ μοι μήκιστα γένηται ;

5.466 εἰ μέν κʹ ἐν ποταμῷ δυσκηδέα νύκτα φυλάσσω ,

5.467 μή μʹ ἄμυδις στίβη τε κακὴ καὶ θῆλυς ἐέρση

5.468 ἐξ ὀλιγηπελίης