21.385 .
21.386 ὣς ἄρʹ ἐφώνησεν , τῇ δʹ ἄπτερος ἔπλετο μῦθος ,
21.387 κλήϊσεν δὲ θύρας μεγάρων εὖ ναιεταόντων .
21.388 σιγῇ δʹ ἐξ οἴκοιο Φιλοίτιος ἆλτο θύραζε ,
21.389 κλήϊσεν δʹ ἄρʹ ἔπειτα θύρας εὐερκέος αὐλῆς .
21.390 κεῖτο δʹ ὑπʹ αἰθούσῃ ὅπλον νεὸς ἀμφιελίσσης
21.391 βύβλινον , ᾧ ῥʹ ἐπέδησε θύρας , ἐς δʹ ἤϊεν αὐτός ·
21.392 ἕζετʹ ἔπειτʹ ἐπὶ δίφρον ἰών , ἔνθεν περ ἀνέστη ,
21.393 εἰσορόων Ὀδυσῆα . ὁ δʹ ἤδη τόξον ἐνώμα
21.394 πάντη ἀναστρωφῶν , πειρώμενος ἔνθα καὶ ἔνθα ,
21.395 μὴ κέρα ἶπες ἔδοιεν ἀποιχομένοιο ἄνακτος .
21.396 ὧδε τις εἴπεσκεν ἰδὼν ἐς πλησίον ἄλλον ·
21.397 ἦ τις θηητὴρ καὶ ἐπίκλοπος ἔπλετο τόξων ·
21.398 ἤ ῥά νύ που τοιαῦτα καὶ αὐτῷ οἴκοθι κεῖται
21.399 ἢ ὅ γʹ ἐφορμᾶται ποιησέμεν , ὡς ἐνὶ χερσὶ
21.400 νωμᾷ ἔνθα καὶ ἔνθα κακῶν ἔμπαιος ἀλήτης .
21.401 ἄλλος δʹ αὖ εἴπεσκε νέων ὑπερηνορεόντων ·
21.402 αἲ γὰρ δὴ τοσσοῦτον ὀνήσιος ἀντιάσειεν
21.403 ὡς οὗτός ποτε τοῦτο δυνήσεται ἐντανύσασθαι .
21.404 ὣς ἄρʹ ἔφαν μνηστῆρες · ἀτὰρ πολύμητις Ὀδυσσεύς ,
21.405 αὐτίκʹ ἐπεὶ μέγα τόξον ἐβάστασε καὶ ἴδε πάντη ,
21.406 ὡς ὅτʹ ἀνὴρ φόρμιγγος ἐπιστάμενος καὶ ἀοιδῆς
21.407 ῥηϊδίως ἐτάνυσσε νέῳ περὶ κόλλοπι χορδήν ,
21.408 ἅψας ἀμφοτέρωθεν ἐϋστρεφὲς ἔντερον οἰός ,
21.409 ὣς ἄρʹ ἄτερ σπουδῆς τάνυσεν μέγα τόξον Ὀδυσσεύς .
21.410 δεξιτερῇ ἄρα χειρὶ λαβὼν πειρήσατο νευρῆς ·
21.411 ἡ δʹ ὑπὸ καλὸν ἄεισε , χελιδόνι εἰκέλη αὐδήν .
21.412 μνηστῆρσιν δʹ ἄρʹ ἄχος γένετο μέγα , πᾶσι δʹ ἄρα χρὼς
21.413 ἐτράπετο · Ζεὺς δὲ μεγάλʹ ἔκτυπε σήματα φαίνων ·
21.414 γήθησέν τʹ ἄρʹ ἔπειτα πολύτλας δῖος Ὀδυσσεύς .
21.415 ὅττι ῥά οἱ τέρας ἧκε Κρόνου πάϊς ἀγκυλομήτεω ·
21.416 εἵλετο