18.232 ἀρωγοί .
18.233 οὐ μέν τοι ξείνου γε καὶ Ἴρου μῶλος ἐτύχθη
18.234 μνηστήρων ἰότητι , βίῃ δʹ ὅ γε φέρτερος ἦεν .
18.235 αἲ γάρ , Ζεῦ τε πάτερ καὶ Ἀθηναίη καὶ Ἄπολλον ,
18.236 οὕτω νῦν μνηστῆρες ἐν ἡμετέροισι δόμοισι
18.237 νεύοιεν κεφαλὰς δεδμημένοι , οἱ μὲν ἐν αὐλῇ ,
18.238 οἱ δʹ ἔντοσθε δόμοιο , λελῦτο δὲ γυῖα ἑκάστου ,
18.239 ὡς νῦν Ἶρος κεῖνος ἐπʹ αὐλείῃσι θύρῃσιν
18.240 ἧσται νευστάζων κεφαλῇ , μεθύοντι ἐοικώς ,
18.241 οὐδʹ ὀρθὸς στῆναι δύναται ποσὶν οὐδὲ νέεσθαι
18.242 οἴκαδʹ , ὅπη οἱ νόστος , ἐπεὶ φίλα γυῖα λέλυνται .
18.243 ὣς οἱ μὲν τοιαῦτα πρὸς ἀλλήλους ἀγόρευον ·
18.244 Εὐρύμαχος δʹ ἐπέεσσι προσηύδα Πηνελόπειαν ·
18.245 κούρη Ἰκαρίοιο , περίφρον Πηνελόπεια ,
18.246 εἰ πάντες σε ἴδοιεν ἀνʹ Ἴασον Ἄργος Ἀχαιοί ,
18.247 πλέονές κε μνηστῆρες ἐν ὑμετέροισι δόμοισιν
18.248 ἠῶθεν δαινύατʹ , ἐπεὶ περίεσσι γυναικῶν
18.249 εἶδός τε μέγεθός τε ἰδὲ φρένας ἔνδον ἐΐσας .
18.250 τὸν δʹ ἠμείβετʹ ἔπειτα περίφρων Πηνελόπεια ·
18.251 Εὐρύμαχʹ , ἦ τοι ἐμὴν ἀρετὴν εἶδός τε δέμας τε
18.252 ὤλεσαν ἀθάνατοι , ὅτε Ἴλιον εἰσανέβαινον
18.253 Ἀργεῖοι , μετὰ τοῖσι δʹ ἐμὸς πόσις ᾖεν Ὀδυσσεύς .
18.254 εἰ κεῖνός γʹ ἐλθὼν τὸν ἐμὸν βίον ἀμφιπολεύοι ,
18.255 μεῖζόν κε κλέος εἴη ἐμὸν καὶ κάλλιον οὕτως .
18.256 νῦν δʹ ἄχομαι · τόσα γάρ μοι ἐπέσσευεν κακὰ δαίμων .
18.257 ἦ μὲν δὴ ὅτε τʹ ᾖε λιπὼν κάτα πατρίδα γαῖαν ,
18.258 δεξιτερὴν ἐπὶ καρπῷ ἑλὼν ἐμὲ χεῖρα προσηύδα ·
18.259 ὦ γύναι , οὐ γὰρ ὀΐω ἐϋκνήμιδας Ἀχαιοὺς
18.260 ἐκ Τροίης εὖ πάντας ἀπήμονας ἀπονέεσθαι ·
18.261 καὶ γὰρ Τρῶάς φασι μαχητὰς ἔμμεναι ἄνδρας ,
18.262 ἠμὲν ἀκοντιστὰς ἠδὲ ῥυτῆρας ὀϊστῶν
18.263 ἵππων τʹ