18.143 ἀτάσθαλα μηχανόωντας ,
18.144 κτήματα κείροντας καὶ ἀτιμάζοντας ἄκοιτιν
18.145 ἀνδρός , ὃν οὐκέτι φημὶ φίλων καὶ πατρίδος αἴης
18.146 δηρὸν ἀπέσσεσθαι · μάλα δὲ σχεδόν . ἀλλά σε δαίμων
18.147 οἴκαδʹ ὑπεξαγάγοι , μηδʹ ἀντιάσειας ἐκείνῳ ,
18.148 ὁππότε νοστήσειε φίλην ἐς πατρίδα γαῖαν ·
18.149 οὐ γὰρ ἀναιμωτί γε διακρινέεσθαι ὀΐω
18.150 μνηστῆρας καὶ κεῖνον , ἐπεί κε μέλαθρον ὑπέλθῃ .
18.151 ὣς φάτο , καὶ σπείσας ἔπιεν μελιηδέα οἶνον ,
18.152 ἂψ δʹ ἐν χερσὶν ἔθηκε δέπας κοσμήτορι λαῶν .
18.153 αὐτὰρ ὁ βῆ διὰ δῶμα φίλον τετιημένος ἦτορ ,
18.154 νευστάζων κεφαλῇ · δὴ γὰρ κακὸν ὄσσετο θυμός .
18.155 ἀλλʹ οὐδʹ ὣς φύγε κῆρα · πέδησε δὲ καὶ τὸν Ἀθήνη
18.156 Τηλεμάχου ὑπὸ χερσὶ καὶ ἔγχεϊ ἶφι δαμῆναι .
18.157 ἂψ δʹ αὖτις κατʹ ἄρʹ ἕζετʹ ἐπὶ θρόνου ἔνθεν ἀνέστη .
18.158 τῇ δʹ ἄρʹ ἐπὶ φρεσὶ θῆκε θεὰ γλαυκῶπις Ἀθήνη ,
18.159 κούρῃ Ἰκαρίοιο , περίφρονι Πηνελοπείῃ ,
18.160 μνηστήρεσσι φανῆναι , ὅπως πετάσειε μάλιστα
18.161 θυμὸν μνηστήρων ἰδὲ τιμήεσσα γένοιτο
18.162 μᾶλλον πρὸς πόσιός τε καὶ υἱέος ἢ πάρος ἦεν .
18.163 ἀχρεῖον δʹ ἐγέλασσεν ἔπος τʹ ἔφατʹ ἔκ τʹ ὀνόμαζεν ·
18.164 Εὐρυνόμη , θυμός μοι ἐέλδεται , οὔ τι πάρος γε ,
18.165 μνηστήρεσσι φανῆναι , ἀπεχθομένοισί περ ἔμπης ·
18.166 παιδὶ δέ κεν εἴποιμι ἔπος , τό κε κέρδιον εἴη ,
18.167 μὴ πάντα μνηστῆρσιν ὑπερφιάλοισιν ὁμιλεῖν ,
18.168 οἵ τʹ εὖ μὲν βάζουσι , κακῶς δʹ ὄπιθεν φρονέουσι .
18.169 τὴν δʹ αὖτʹ Εὐρυνόμη ταμίη πρὸς μῦθον ἔειπεν ·
18.170 ναὶ δὴ ταῦτά γε πάντα , τέκος , κατὰ μοῖραν ἔειπες .
18.171 ἀλλʹ ἴθι καὶ σῷ παιδὶ ἔπος φάο μηδʹ ἐπίκευθε ,
18.172 χρῶτʹ ἀπονιψαμένη καὶ ἐπιχρίσασα