Greek Reader — The Homeric Odyssey (14.500

14.500 φοινικόεσσαν ,

14.501 βῆ δὲ θέειν ἐπὶ νῆας · ἐγὼ δʹ ἐνὶ εἵματι κείνου

14.502 κείμην ἀσπασίως , φάε δὲ χρυσόθρονος Ἠώς .

14.503 ὣς νῦν ἡβώοιμι βίη τέ μοι ἔμπεδος εἴη ·

14.504 δοίη κέν τις χλαῖναν ἐνὶ σταθμοῖσι συφορβῶν ,

14.505 ἀμφότερον , φιλότητι καὶ αἰδοῖ φωτὸς ἑῆος ·

14.506 νῦν δέ μʹ ἀτιμάζουσι κακὰ χροῒ εἵματʹ ἔχοντα .

14.507 τὸν δʹ ἀπαμειβόμενος προσέφης , Εὔμαιε συβῶτα ·

14.508 ὦ γέρον , αἶνος μέν τοι ἀμύμων , ὃν κατέλεξας ,

14.509 οὐδέ τί πω παρὰ μοῖραν ἔπος νηκερδὲς ἔειπες ·

14.510 τῷ οὔτʹ ἐσθῆτος δευήσεαι οὔτε τευ ἄλλου ,

14.511 ὧν ἐπέοιχʹ ἱκέτην ταλαπείριον ἀντιάσαντα ,

14.512 νῦν · ἀτὰρ ἠῶθέν γε τὰ σὰ ῥάκεα δνοπαλίξεις .

14.513 οὐ γὰρ πολλαὶ χλαῖναι ἐπημοιβοί τε χιτῶνες

14.514 ἐνθάδε ἕννυσθαι , μία δʹ οἴη φωτὶ ἑκάστῳ .

14.515 αὐτὰρ ἐπὴν ἔλθῃσιν Ὀδυσσῆος φίλος υἱός ,

14.516 αὐτός τοι χλαῖνάν τε χιτῶνά τε εἵματα δώσει ,

14.517 πέμψει δʹ ὅππῃ σε κραδίη θυμός τε κελεύει .

14.518 ὣς εἰπὼν ἀνόρουσε , τίθει δʹ ἄρα οἱ πυρὸς ἐγγὺς

14.519 εὐνήν , ἐν δʹ ὀΐων τε καὶ αἰγῶν δέρματʹ ἔβαλλεν .

14.520 ἔνθʹ Ὀδυσεὺς κατέλεκτʹ · ἐπὶ δὲ χλαῖναν βάλεν αὐτῷ

14.521 πυκνὴν καὶ μεγάλην , ἥ οἱ παρεκέσκετʹ ἀμοιβάς ,

14.522 ἕννυσθαι ὅτε τις χειμὼν ἔκπαγλος ὄροιτο .

14.523 ὣς ὁ μὲν ἔνθʹ Ὀδυσεὺς κοιμήσατο , τοὶ δὲ παρʹ αὐτὸν

14.524 ἄνδρες κοιμήσαντο νεηνίαι · οὐδὲ συβώτῃ

14.525 ἥνδανεν αὐτόθι κοῖτος , ὑῶν ἄπο κοιμηθῆναι ,

14.526 ἀλλʹ ὅ γʹ ἄρʹ ἔξω ἰὼν ὡπλίζετο · χαῖρε δʹ Ὀδυσσεύς ,

14.527 ὅττι ῥά οἱ βιότου περικήδετο νόσφιν ἐόντος .

14.528 πρῶτον μὲν ξίφος ὀξὺ περὶ στιβαροῖς βάλετʹ ὤμοις ,

14.529 ἀμφὶ δὲ