Greek Reader — The Homeric Odyssey (4.363

4.363 ἀνδρῶν ,

4.364 εἰ μή τίς με θεῶν ὀλοφύρατο καί μʹ ἐσάωσε ,

4.365 Πρωτέος ἰφθίμου θυγάτηρ ἁλίοιο γέροντος ,

4.366 Εἰδοθέη · τῇ γάρ ῥα μάλιστά γε θυμὸν ὄρινα .

4.367 ἥ μʹ οἴῳ ἔρροντι συνήντετο νόσφιν ἑταίρων ·

4.368 αἰεὶ γὰρ περὶ νῆσον ἀλώμενοι ἰχθυάασκον

4.369 γναμπτοῖς ἀγκίστροισιν , ἔτειρε δὲ γαστέρα λιμός .

4.370 ἡ δέ μευ ἄγχι στᾶσα ἔπος φάτο φώνησέν τε ·

4.371 νήπιός εἰς , ὦ ξεῖνε , λίην τόσον ἠδὲ χαλίφρων ,

4.372 ἦε ἑκὼν μεθίεις καὶ τέρπεαι ἄλγεα πάσχων ;

4.373 ὡς δὴ δήθʹ ἐνὶ νήσῳ ἐρύκεαι , οὐδέ τι τέκμωρ

4.374 εὑρέμεναι δύνασαι , μινύθει δέ τοι ἦτορ ἑταίρων .

4.375 ὣς ἔφατʹ , αὐτὰρ ἐγώ μιν ἀμειβόμενος προσέειπον ·

4.376 ἐκ μέν τοι ἐρέω , ἥ τις σύ πέρ ἐσσι θεάων ,

4.377 ὡς ἐγὼ οὔ τι ἑκὼν κατερύκομαι , ἀλλά νυ μέλλω

4.378 ἀθανάτους ἀλιτέσθαι , οἳ οὐρανὸν εὐρὺν ἔχουσιν .

4.379 ἀλλὰ σύ πέρ μοι εἰπέ , θεοὶ δέ τε πάντα ἴσασιν ,

4.380 ὅς τίς μʹ ἀθανάτων πεδάᾳ καὶ ἔδησε κελεύθου ,

4.381 νόστον θʹ , ὡς ἐπὶ πόντον ἐλεύσομαι ἰχθυόεντα .

4.382 ὣς ἐφάμην , ἡ δʹ αὐτίκʹ ἀμείβετο δῖα θεάων ·

4.383 τοιγὰρ ἐγώ τοι , ξεῖνε , μάλʹ ἀτρεκέως ἀγορεύσω .

4.384 πωλεῖταί τις δεῦρο γέρων ἅλιος νημερτὴς

4.385 ἀθάνατος Πρωτεὺς Αἰγύπτιος , ὅς τε θαλάσσης

4.386 πάσης βένθεα οἶδε , Ποσειδάωνος ὑποδμώς ·

4.387 τὸν δέ τʹ ἐμόν φασιν πατέρʹ ἔμμεναι ἠδὲ τεκέσθαι .

4.388 τόν γʹ εἴ πως σὺ δύναιο λοχησάμενος λελαβέσθαι ,

4.389 ὅς κέν τοι εἴπῃσιν ὁδὸν καὶ μέτρα κελεύθου

4.390 νόστον θʹ , ὡς ἐπὶ πόντον ἐλεύσεαι ἰχθυόεντα .

4.391 καὶ δέ κέ τοι εἴπῃσι , διοτρεφές