Greek Reader — The Homeric Odyssey (4.303

4.303 Νέστορος ἀγλαὸς υἱός ·

4.304 Ἀτρεΐδης δὲ καθεῦδε μυχῷ δόμου ὑψηλοῖο ,

4.305 πὰρ δʹ Ἑλένη τανύπεπλος ἐλέξατο , δῖα γυναικῶν .

4.306 ἦμος δʹ ἠριγένεια φάνη ῥοδοδάκτυλος Ἠώς ,

4.307 ὤρνυτʹ ἄρʹ ἐξ εὐνῆφι βοὴν ἀγαθὸς Μενέλαος

4.308 εἵματα ἑσσάμενος , περὶ δὲ ξίφος ὀξὺ θέτʹ ὤμῳ ,

4.309 ποσσὶ δʹ ὑπὸ λιπαροῖσιν ἐδήσατο καλὰ πέδιλα ,

4.310 βῆ δʹ ἴμεν ἐκ θαλάμοιο θεῷ ἐναλίγκιος ἄντην ,

4.311 Τηλεμάχῳ δὲ παρῖζεν , ἔπος τʹ ἔφατʹ ἔκ τʹ ὀνόμαζεν ·

4.312 τίπτε δέ σε χρειὼ δεῦρʹ ἤγαγε , Τηλέμαχʹ ἥρως ,

4.313 ἐς Λακεδαίμονα δῖαν , ἐπʹ εὐρέα νῶτα θαλάσσης ;

4.314 δήμιον ἦ ἴδιον ; τόδε μοι νημερτὲς ἐνίσπες .

4.315 τὸν δʹ αὖ Τηλέμαχος πεπνυμένος ἀντίον ηὔδα ·

4.316 Ἀτρεΐδη Μενέλαε διοτρεφές , ὄρχαμε λαῶν ,

4.317 ἤλυθον , εἴ τινά μοι κληηδόνα πατρὸς ἐνίσποις .

4.318 ἐσθίεταί μοι οἶκος , ὄλωλε δὲ πίονα ἔργα ,

4.319 δυσμενέων δʹ ἀνδρῶν πλεῖος δόμος , οἵ τέ μοι αἰεὶ

4.320 μῆλʹ ἁδινὰ σφάζουσι καὶ εἰλίποδας ἕλικας βοῦς ,

4.321 μητρὸς ἐμῆς μνηστῆρες ὑπέρβιον ὕβριν ἔχοντες .

4.322 τοὔνεκα νῦν τὰ σὰ γούναθʹ ἱκάνομαι , αἴ κʹ ἐθέλῃσθα

4.323 κείνου λυγρὸν ὄλεθρον ἐνισπεῖν , εἴ που ὄπωπας

4.324 ὀφθαλμοῖσι τεοῖσιν ἢ ἄλλου μῦθον ἄκουσας

4.325 πλαζομένου · περὶ γάρ μιν ὀιζυρὸν τέκε μήτηρ .

4.326 μηδέ τί μʹ αἰδόμενος μειλίσσεο μηδʹ ἐλεαίρων ,

4.327 ἀλλʹ εὖ μοι κατάλεξον ὅπως ἤντησας ὀπωπῆς .

4.328 λίσσομαι , εἴ ποτέ τοί τι πατὴρ ἐμός , ἐσθλὸς Ὀδυσσεὺς

4.329 ἢ ἔπος ἠέ τι ἔργον ὑποστὰς ἐξετέλεσσε

4.330 δήμῳ ἔνι Τρώων , ὅθι πάσχετε πήματʹ Ἀχαιοί ,

4.331 τῶν νῦν μοι μνῆσαι , καί μοι νημερτὲς ἐνίσπες .

4.332 τὸν δὲ μέγʹ ὀχθήσας προσέθη ξανθὸς