Greek Reader — The Homeric Odyssey (4.243

4.243 ἔνι Τρώων , ὅθι πάσχετε πήματʹ Ἀχαιοί .

4.244 αὐτόν μιν πληγῇσιν ἀεικελίῃσι δαμάσσας ,

4.245 σπεῖρα κάκʹ ἀμφʹ ὤμοισι βαλών , οἰκῆι ἐοικώς ,

4.246 ἀνδρῶν δυσμενέων κατέδυ πόλιν εὐρυάγυιαν ·

4.247 ἄλλῳ δʹ αὐτὸν φωτὶ κατακρύπτων ἤισκε ,

4.248 δέκτῃ , ὃς οὐδὲν τοῖος ἔην ἐπὶ νηυσὶν Ἀχαιῶν .

4.249 τῷ ἴκελος κατέδυ Τρώων πόλιν , οἱ δʹ ἀβάκησαν

4.250 πάντες · ἐγὼ δέ μιν οἴη ἀνέγνων τοῖον ἐόντα ,

4.251 καί μιν ἀνηρώτων · ὁ δὲ κερδοσύνῃ ἀλέεινεν .

4.252 ἀλλʹ ὅτε δή μιν ἐγὼ λόεον καὶ χρῖον ἐλαίῳ ,

4.253 ἀμφὶ δὲ εἵματα ἕσσα καὶ ὤμοσα καρτερὸν ὅρκον

4.254 μὴ μὲν πρὶν Ὀδυσῆα μετὰ Τρώεσσʹ ἀναφῆναι ,

4.255 πρίν γε τὸν ἐς νῆάς τε θοὰς κλισίας τʹ ἀφικέσθαι ,

4.256 καὶ τότε δή μοι πάντα νόον κατέλεξεν Ἀχαιῶν .

4.257 πολλοὺς δὲ Τρώων κτείνας ταναήκεϊ χαλκῷ

4.258 ἦλθε μετʹ Ἀργείους , κατὰ δὲ φρόνιν ἤγαγε πολλήν .

4.259 ἔνθʹ ἄλλαι Τρῳαὶ λίγʹ ἐκώκυον · αὐτὰρ ἐμὸν κῆρ

4.260 χαῖρʹ , ἐπεὶ ἤδη μοι κραδίη τέτραπτο νέεσθαι

4.261 ἂψ οἶκόνδʹ , ἄτην δὲ μετέστενον , ἣν Ἀφροδίτη

4.262 δῶχʹ , ὅτε μʹ ἤγαγε κεῖσε φίλης ἀπὸ πατρίδος αἴης ,

4.263 παῖδά τʹ ἐμὴν νοσφισσαμένην θάλαμόν τε πόσιν τε

4.264 οὔ τευ δευόμενον , οὔτʹ ἂρ φρένας οὔτε τι εἶδος .

4.265 τὴν δʹ ἀπαμειβόμενος προσέφη ξανθὸς Μενέλαος ·

4.266 ναὶ δὴ ταῦτά γε πάντα , γύναι , κατὰ μοῖραν ἔειπες .

4.267 ἤδη μὲν πολέων ἐδάην βουλήν τε νόον τε

4.268 ἀνδρῶν ἡρώων , πολλὴν δʹ ἐπελήλυθα γαῖαν ·

4.269 ἀλλʹ οὔ πω τοιοῦτον ἐγὼν ἴδον ὀφθαλμοῖσιν ,

4.270 οἷν Ὀδυσσῆος ταλασίφρονος ἔσκε φίλον κῆρ .

4.271 οἷον καὶ τόδʹ ἔρεξε καὶ ἔτλη καρτερὸς ἀνὴρ